پارەی ڕسوماتی پاسپۆرت دیاریكرا

بەڕێوەبەرایەتی پاسپۆرتی سلێمانی ئاشكرای دەكات، كە نرخی تێچووی پاسپۆرتی ئەلیكترۆنی بە سەرەگرتنەوە 91 هەزارە و بێ‌ سەرەگرتنی ئەلیكترۆنی 191 هەزار دینارە.

بەڕێوەبەرایەتی پاسپۆرتی سلێمانی لە ڕاگەیەنراوێكدا ئاماژەی بەوەكردووە، بۆ سەرەگرتن و پێدانی پاسپۆرتی ئەلەکترۆنیت (حجز الكترونی ) سكانی ئەم (QR) ە بکە ئەم بارکۆدەکە کارا ئەبێت و بەردەستە تاکو شوێنی حجز نامێنێت .

ئاشكراشی كردووە، نرخی تێچووی پاسپۆرت ( ٩١،٠٠٠) هەزار دینارە ، گەر ( حجز الكترونی ) ھەبێت .

دەشڵێت: ئەگەر سەرەگرتنی ئەلەکترۆنیت نەبێت پێویستە (١٠٠،٠٠٠) هەزار دینار رسومات زیادە بدەیت لەگەڵ (٩١،٠٠٠) هەزار دینار تێچووی پاسپۆرتەکە، کۆی گشتی ( ١٩١،٠٠٠) هەزار دینارەکات ، بۆیە باشترە ( حجزی الكترونی ) بکەیت ، تاکو تەنھا ٩١،٠٠٠ هەزار دینار بدەیت .

جەختیشی كردۆتەوە، بە گوێرەی کاتی دیاری کراوی خۆتان کە بە نامەی ئەلیکترۆنی بۆتان دیاریکراوە سەردانمان بکەن. واتە کاتژمێر و بەرواری حجزی ئەلەکترۆنییەکەت لە چ کات و بەروارێکدا بوو،ئەوا لەو کاتەدا سەردانمان بکەن ، بۆ ئەوەی ئێمەش لە کاتی خۆیدا مامەڵەکانتان بۆ رایی بکەین.

ڕوونیشی كردۆتەوە، تەنھا کار بە کارتی نیشتیمانی ڕەسەن ( اصلی ) دەکرێت ، واتە کار بە (صورە قید الكترونی ) ، پێناسی باری شارستانی ، ڕەگەزنامەی عیراقی ناکرێ.

سایتی وەرگرتنی سەرەی پاسپۆرت (حجز الكترونی )

 

پەیوەنیدر