مەسرور بارزانی، سەرۆک وەزیرانی ھەرێمی کوردستان ڕایگەیاند ھەسەدە نوێنەرایەتی ھەموو کوردی سووریا ناکات.
مەسرور بارزانی، سەرۆک وەزیرانی هەرێمی کوردستان لە دیمانەیەکدا لەگەڵ کەناڵی “ئەلعەرەبییە” کە بڕیارە بەم نزیکانە بڵاوبکرێتەوە، پاڵپشتی خۆی بۆ بەشدارییکردنی کورد لە پڕۆسەی سیاسیی لە سووریا، ڕاگەیاند.
مەسرور بارزانی دەربارەی هێزەکانی سووریای دیموکرات ڕایگەیاند، “ھەسەدە نوێنەرایەتی ھەموو کوردى سووریا ناکات”.
جەختی لەوەشکردەوە کە دەنگۆی بوونی ئیسرائیل لە ھەرێمی کوردستان، دوور لە ڕاستییە و گوتی: “ھەرێمی کوردستان خواستی ھەیە، میواندری ھێزەکانی ھاوپەیمانی نێودەوڵەتیی بکات”.
باسی لەوەش کرد کە خواستیان ھەیە، کۆمپانیای زیاتری سعوودیە لە بواری وەبەرھێناندا لە ھەرێم کار بکەن.
مەسرور بارزانی لەبارەی کێشە ئابوورییەکانی ھەولێر لەگەڵ بەغدا، وتی: “کێشە ئابوورییەکانی ھەولێر لەگەڵ بەغدا، بە سیاسیی کراوە”.
