سەرۆک کۆماری عێراق مەرسومی کۆماری بۆ جێبەجیکردنی هەرسی یاساکەی كورد و شیعە سونـــە دەرکرد.
غەریب ئەحمەد، ئەندامی پەرلەمانی عێراق بڵاویکردەوە، ئەمڕۆ 13ـی شوباتی 2025سەرۆك کۆمار د.عبداللطیف جمال رەشید مەرسومی کۆماری دەرکرد بۆ سێ یاسای گرنگ كە بریتین لە:
– یاسای باری کەسی
– یاسای لێبوردنی گشتی
– یاسای گەڕانەوەی خانووبەرە بۆ خاوەنەکانیان
ئاماژەی بەوەشداوە، دوای بریارەکەی دادگای باڵای فیدراڵی لە 11ـی شوباتی 2025 کە تانەکانی دژی ئەم یاسایانەی ڕەتکردەوە و فەرمانی وەستاندنی جێبەجێکردنی یاساکانی هەڵوەشاندەوە.
لە 21ـی کانوونی دووەمی 2025، ژمارەیەك پەرلەمانتاری عەرەب ناڕەزایی خۆیان دەربڕی و سەرۆکی پەرلەمانیان تۆمەتبار کرد بە سەرپێچی کردن لە میکانیزمی دەنگدان، ئەمەش بووە هۆی تۆمارکردنی 5 داوای یاسایی دژی پەسەندکردنی یاساکان.
هەر لەم چوارچێوەیەشدا، دادگای باڵای فیدراڵی لە 4ـی شوبات فەرمانێکی کاتی دەرکرد بۆ ڕاگرتنی جێبەجێکردنی یاساکان، تا دواجار لە 11ـی شوبات یەکلایی کرایەوە و تانەکان ڕەتکرانەوە و ئەمڕۆش مەڕسومی كۆماری پێدەرچوو بە پەسەند كردنی.
