لە ڕۆژی جیهانیی ڕادیۆدا، “ڕادیۆی خەڵک” خەڵاتکرا کە بەشێکە لە تۆڕی میدیایی خەڵک.
ئەمڕۆ پێنجشەممە، کاروان ئەنوەر، سەرۆکی سەندیکای ڕۆژنامەنووسانی کوردستان / لقی سلێمانی و محەمەد لەتیف، سەرۆکی ڕێکخراوی دیالۆگ و کلتور سەردانی “تۆڕی میدیایی خەڵک”یان کرد و لەلایەن هەرێم بەهادین، بەرپرسی دامەزراوەکەوە پشوازییان لێکرا.
ئامانجی سەردانەکە کە هاوکات بوو لەگەڵ ڕۆژی جیهانیی ڕادیۆدا، گەیاندنی سوپاس و پێزانین بوو بە “ڕادیۆی خەڵک” لە پای بەردەوامبوون و پاراستنی ڕاستگۆیی لە کارکردندا.
کاروان ئەنوەر ڕایگەیاند “خەڵک” لەو سەرلێشاوی میدیای دیجیتاڵی و سۆشیال میدیایەدا توانیوێتی وەک کەناڵێکی سەنگین و ڕاستگۆ بەردەوام بێت.
لایخۆشیەوە هەرێم بەهادین، بەرپرسی “تۆڕی میدیایی خەڵک” سوپاسی بەسەرکردنەوە و پێزانینەکەی سەندیکای ڕۆژنامەنووسان و ڕێکخراوی دیالۆگی کرد.
