لەناوشاری کەلار بەهۆی پێکدادانی ماتۆڕسکیلێک و ئۆتۆمبێلێک، دوو کەس برینداربوون و ڕەوانەی نەخۆشخانە کران.
بەڕێوەبەرایەتی هاتووچۆی گەرمیان بڵاویكردەوە، ئەمشەو، لەناو شاری کەلار لەنزیک بازاڕی شار بەهۆی پێکدادانی ئۆتۆمبێلێکی جۆری نیسان ئاڵتیما و ماتۆڕسکیلێکی سێ تایە دوو کەس برینداربوون.
ڕاشیگەیاندووە، بریندارەکان شۆفێری ئۆتۆمبێلەکە و لێخوڕی ماتۆڕسکیلەکە بوون، شۆفێری ئۆتۆمبێلەکە لەدایک بووی ساڵی ١٩٩٥ە، لێخوڕی ماتۆڕسکیلەکەش لەدایک بووی ساڵی ١٩٨١ە، هەردوو بریندارەکە دانیشتووی کەلارن.
ئاماژەی بەوەشكردووە، لەلایەن تیمی هاتووچۆوە لێکۆڵینەوە لە ڕووداوەکە دەستیپێکردووە بەمەبەستی زانینی هۆکار و چۆنیەتی ڕووداوەکە، بریندارەکان گواستراونەتەوە بۆ نەخۆشخانەی فریاکەوتنی شەهید هەژار بەمەبەستی وەرگرتنی چارسەر.
