شارەزایەكی كەشناسی ڕایدەگەیەنێت، لە ئەمشەوەوە شەپۆلێكی دەریای ناوەڕاست و بارستە هەوایەكی سارد ناوچەكانی هەرێمی كوردستان دەگرێتەوە و باران و بەفر دەبارێت.
سیروان ساڵح، شارەزای كەشناسی بۆ (خەڵك) ڕایگەیاند، بەهۆی كاریگەری ناوچەیەكی پەستان نزمی دەریای ناوەڕاست و تۆپەڵە هەوایەكی ساردەوە لە شەوی چوار شەممە لەسەر پێنج شەممەوە تاوەكو شەوی هەینی لەسەر شەممە هەندێك كات ئەگەری بارانبارینی كەم هەیە و لە زنجیرە چیاكانیش بەفر دەبارێت ئەوانەی زیاتر لە 1200 مەتر بەررزترن.
ڕاشیگەیاند، ئەم شەپۆلە لە ناوچەكانی گەرمیان لاواز دەبێت لە نێوان ( 1 تا 4 ملم دەبێت) لەسەرەوەی چیاكانی بەمۆ، خۆشك، زمناكۆ، زەردە، سەگرمە و قەرەداغ ئەگەری نێوان ( 1 تا 3 ) سانتیمەتر بەفر هەیە بەتایبەت ڕۆژی هەینی.
دەشڵێت: “لە ناوچە كوێستانییەكان ئەگەری نێوان 8 تا 15 ملم باران هەیە و لە زنجیرە چیاكانیش ئەگەری نێوان، 5 تا 15 سانتیمەتر بەفر هەیە.
