ڕۆژی پێنج شەممە لە شاری كەركوك و خانەقین و ژمارەیەك پارێزگای دیكەی عێراق بەبۆنەی 15ی شەعبانەوە كرا بە پشووی فەرمی.
ڕێبوار تەها، پارێزگاری كەركوك ڕایگەیاند، سبەینێ پێنج شەممە 13ی شوبات، بەبۆنەی 15ی شەعبانەوە لە سەرجەم دامودەزگا فەرمییەكان دەكرێت بە پشوو.
هاوكات بەپێی بڕیاری پارێزگاری دیالە، سبەینێ لە سنووری پارێزگاكە پشووی فەرمی دەبێت، كە بەهۆیەوە پشووەكە شاری خانەقین-یش دەگرێتەوە.
هاوكات، هەریەكە لە پارێزگاكانی بابل و زیقار و بەسرە و نەجەف و واست و دیالە ژمارەیەك پارێزگای دیكەی عێراق، بڕیاریاندا ڕۆژی پێنج شەممە بەبۆنەی زیارەتی شەعبانیە و 15ی شەعبانەوە بكرێتە پشوووی فەرمی.
لە عێراقدا 15ی شەعبان وەك بۆنەیەكی ئایینی سەیردەكرێت و لەلای شیعەكان موسڵمانان سەردانی مەزاری ئیمام حسێن دەكەن ئەمە سەرباری نزیكبوونەوە و خۆئامادەكردن بۆ مانگی ڕەمەزان، بەلام لای سوننە و بەتایبەت كورد وەك سوننەتی پێغەمبەر سەیر دەكرێت، كە لەو ڕۆژەدا نامەی كردەوەكانی مرۆڤ بەرزدەكرێتەوە بۆ لای خوای گەورە و نزیكەی 15 ڕۆژی دەمێنێت بۆ ڕەمەزان، هەربۆیە شەوەكەی پێی دەوترێت “شەوی بەرات” و ڕۆژەكەشی موسڵمانان بەڕۆژوو دەبن.
