بەڕێوەبەرایەتی گشتی ڕەگەزنامەی هەرێمی كوردستان ڕایدەگەیەنێت، تاوەكو ڕۆژی یەك شەممە مامەڵەی كارتی نیشتمانی ڕادەگیرێت و بەڕێوبەرایەتی ڕەگەزنامە و باری شارستانی سلێمانی دەڵێت: بەهۆی نوێكردنەوەی سێرڤەری سەرەكییە لەلایەن بەغداوە.
بەڕێوەبەرایەتی گشتی ڕەگەزنامەی هەرێمی كوردستان لە ئاگادارییەكدا بۆ هاووڵاتیان ئاماژەی بەوەكردووە، ڕۆژی پێنج شەممە ٢٠٢٥/٢/١٣سەردانی فەرمانگەكانی كارتی نیشتمانی لەسەرجەم فەرمانگەكانمان لەهەرێمی كوردستان مەكەن تاكو ڕۆژی یەك شەممە ٢٠٢٥/٢/١٦ لەبەرئەوەی سەرجەم مامەڵەكان وەستاوە بەهۆكاری هونەری
لای خۆشیەوە، بەڕێوبەرایەتی ڕەگەزنامە و باری شارستانی سلێمانی لە ڕاگەیەنراوێكدا ئاماژەی بەوەكردووە، بەهۆی [ ئەبدەیت] کردنی سێرڤەری مەرکەزی کارتی نیشتیمانی لەلایەن ڕەگەزنامەی گشتی (بەغدا) داوا لەهاووڵاتیانی سنوری پارێزگای (سلێمانی ، هەڵەبجە) دەکەین کە ڕۆژی پێنچ شەمە بەرواری ٢٠٢٥/٢/١٣ سەردانمان نەکەن لە فەرمانگەکانی کارتی نیشتیمانی لەسنوری پارێزگای سلێمانی و هەڵەبجە.
سەبارەت بە هۆكارەكەشی دەڵێت: لەبەر ئەوەی هیچ مامەڵەیەک ڕایی ناکرێت لە فەرمانگەکانماندا تاوەکو ئاگادارتان دەکەینەوە لە ڕۆژی دەست پێکردنەوەی کاروباری هاووڵاتیان لە بەڕێوبەرایەتیمان.
