توێژەر و چاودێری سیاسی لە فەڕەنسا ڕایدەگەیەنێت، پڕۆتۆكۆڵی تایبەت بە كۆنفڕانسی دۆخی سووریا لە پاریس گۆڕاوە و نوێنەرانی ڕۆژئاوای كوردستان ناتوانن بەشدارری بكەن، بەڵكو تەنها بۆ وەزیرەكانی دەرەوەیە.
عادل باخەوان، چاودێری سیاسی لە وتارێكدا بەناونیشانی “بەداخەوە بۆ ڕۆژئاڤای كوردستان ” ئاماژەی بەوەكردووە، سبەینێ كۆنفرانسە گەورەكەی پاریسە لەسەر دۆخی سووریا، سروشتی كۆنفرانسەكە گۆڕانكاری بەسەردا هاتوە و تەنها وەزیرانی دەرەوە دەتوانن بەشداری تیادابكەن.
دەشڵێت: واتە بەداخێكی زۆرەوە، پرۆتۆكۆل ڕێگانادات كە نوێنەرانی ڕۆژئاوای كوردستان بەشداری تیادابكەن و تەنها وەزیری دەرەوەی سووریا، وەك نوێنەری هەموو سووریا بەشداری تیادا دەكات.
ئاماژەی بەوەشكردووە، ڕۆژئاوای كوردستان لەبری تەواوی بەشەریەت جەنگی داعشی كرد، بەڵام ئێستا پرۆتۆكۆل ڕێگای نادات بەشداری كۆنفرانسێكی گەورەی وابكات، لەكاتێكدا فەڕەنسا نزیكترین دۆستی ڕۆژئاوای كوردستانە.
جەختیشی كردۆتەوە، تاكە چارەسەری پرسی كورد لە ڕۆژهەڵاتی ناوەراستدا دەوڵەتە و بەس. بەبێ دەوڵەت، هەمیشە لە دەرەوەی مێژوودا دەمێنیتەوە.
