پەرلەمانتارێكی كورد لە بەغدا ئاشكرای دەكات، بڕی دوو 100 هەزاری (200 هەزار دینار) دەدرێت بە خانەنشینان و دەشڵێت: داوام كردووە 100 هەزار دیناری بژێوی بدرێت بە خانەنشینان.
سۆران عومەر، ئەندامی پەرلەمانی عێراق بۆ (خەڵك) ڕایگەیاند، دوو ١٠٠ هەزار دیناری دەدرێت بەخانەنشینان، یەکەمیان لەیاسای خانەنشینی یەکگرتووی عێراق هەیە بۆ ئەوانەی موچەکانیان کەمترە لە ٥٠٠ هەزار، ئەمە جێبەجێکراوە و بەردەوامە.
ڕاشیگەیاند، دووەمیان بڕیاری ئەنجوومەنی وەزیرانی عێراقە بۆ ئەوانەی مووچەکانیان کەمترە لە ملیۆنێک دینار، ئەم ١٠٠ هەزارەیان لەئێستادا تەنها خانەنشینانی عێراق وەریدەگرن بەبڕیاری ئەنجومەنی وەزیران.
ئاماژەی بەوەشكرد، داوام کردووە ئەو ١٠٠ هەزارە خانەنشینانی هەرێمیش بگرێتەوە.
پێشتر هەرێمی کوردستان خۆی ئەمەی جێبەجێکردوە و داویەتی بەخانەنشینان، لەمانگی یەک-ەوە عێراق دەڵێت: ئەو ١٠٠ هەزارە نادەین بەخانەنشینانی هەرێم .
