وەزارەتی ناوخۆی هەرێم تۆمارکردنی یەکەمجار و خەرجی ژینگەی لەسەر ئۆتۆمبێلی کارەبایی هەڵگرت و بەپێی بڕیارەکە، هیچ بەرامبەرێکی دارایی وەناگیرێت. راشیگەیاند، دەیانەوێت لەو رێگایەوە هانی هاووڵاتیان بدەن ئۆتۆمبێلی کارەبایی بەکاربهێنن.
وەزارەتی ناوخۆی هەرێم ئەمڕۆ چوارشەممە لە ڕاگەیەندراوێکدا رایگەیاند: بەمەبەستی هاندانی هاووڵاتییان بۆ بەکارهێنانی ئۆتۆمبێلی تەواو کارەبایی، تۆمارکردنی یەکەمجاری ئۆتۆمبێلی کارەبایی و خەرجی ژینگە لەسەر ئۆتۆمبێلی کارەبایی هەڵگیراوە.
ئاماژەی بەوەشکردووە، ئۆتۆمبێلی ته‌واو كاره‌بایی به‌شداره له كه‌مكردنه‌وه‌ی مه‌ترسیه‌كانی ژینگه.
بەپێی بڕیارەکەی وەزارەتی ناوخۆ، بڕیارەکە لە رۆژی 16ی ئەم مانگە واتە یەکشەممەی هەفتەی داهاتووەوە دەچێتە بواری جێبەجێکردنەوە.
ئۆتۆمبێلی کارەبای لە ئێستادا بە گشتی لە وڵاتانی جیهاندا بەکاردەهێنرێت و هاوکارە لە کەمکردنەوەی دەردانی گازی زیانبەخش بۆناو ژینگە و هەوا و لەو رێگایەشەوە هاوکارە لە کەمتر پیسبوونی ژینگەدا.
