تۆمارکردن و ژمارەدان بە ئۆتۆمبێلی MG – ROE WE ڕاگیرا تا ئەو کاتەی کێشەکەیان لە بەڕێوەبەرایەتی گومرگ یەکلادەبێتەوە.
ئەمشەو بەڕێوەبەرایەتی هاتووچۆی هەولێر ڕایگەیاند، ئاگاداری هاووڵاتییانی شاری هەولێر دەکەینەوە کە ئێستا جۆرە ئۆتۆمبێلێک لە بازاڕەکان کڕین و فرۆشتنی پێوە دەکرێت کە لە ڕووکاری دەرەوەیدا لۆگۆی ئۆتۆمبێلی (MG) پێوەیە، بەڵام لە دیوی ناوەوە لۆگۆی (ROE WE) لەسەر سوکانەکەی هەیە.
ئەوەشی خستەڕوو کە ئەو جۆرە ئۆتۆمبێلە تۆمار ناکرێت و ژمارە و تابلۆی پێنادرێت تا ئەو کاتەی کێشەکەیان لە بەڕێوەبەرایەتی گومرگ یەکلایی دەکرێتەوە.
هاتووچۆی هەولێر ڕاشیگەیاند، داوا لە هاووڵاتیان دەکەین مامەڵەی تۆمارکردنی ئەم جۆرە ئۆتۆمبێلە نەبەن بۆ بەڕێوەبەرایەتیەکەیان.
