ڕۆژی پێنج شەممە لە ژمارەیەك پارێزگای عێراق بەبۆنەی 15ی شەعبانەوە كرا بە پشووی فەرمی.
هەریەكە لە پارێزگاكانی بابل و زیقار و بەسرە و ژمارەیەك پارێزگای دیكەی عێراق، بڕیاریاندا ڕۆژی پێنج شەممە بەبۆنەی زیارەتی شەعبانیە و 15ی شەعبانەوە بكرێتە پشوووی فەرمی.
لە عێراقدا 15ی شەعبان وەك بۆنەیەكی ئایینی سەیردەكرێت و لەلای شیعەكان موسڵمانان سەردانی مەزاری ئیمام حسێن دەكەن ئەمە سەرباری نزیكبوونەوە و خۆئامادەكردن بۆ مانگی ڕەمەزان، بەلام لای سوننە و بەتایبەت كورد وەك سوننەتی پێغەمبەر سەیر دەكرێت، كە لەو ڕۆژەدا نامەی كردەوەكانی مرۆڤ بەرزدەكرێتەوە بۆ لای خوای گەورە و نزیكەی 15 ڕۆژی دەمێنێت بۆ ڕەمەزان، هەربۆیە شەوەكەی پێی دەوترێت “شەوی بەرات” و ڕۆژەكەشی موسڵمانان بەڕۆژوو دەبن.
