دوای 15 ڕۆژ مانگرتن، مامۆستایان و فەرمانبەرانی مانگرتوو لە سلێمانی بڕیاریاندا وەك بەدەمەوەهاتنی داواكاری خۆپیشاندەرانی پشتیوانی، مانگرتن بشكێنن و پارێزگاری سلێمانی دەڵێت: مانگرتووان سەروەرن، پێشڕەوی جەماوەرن.
هەڤاڵ ئەبوبەکر، پارێزگاری سلێمانی لە پەیامێكدا دەڵێ: مانگرتووەکان سەروەرن، پێشڕەوی جەماوەرن.
ڕاشیگەیاند، ڕێز و پێزانین و وەفا و ئەمەکداریی بۆ گیانی بەرزی بەرپرسیارێتیی و خۆنەویستیی و خۆڕاگریی و دڵسۆزیی و داکۆکیکاریی و قوربانیدانە سەرکەشانەکانتان، بۆ خەباتی ئینسانییانە و ئاینییانە و ئەخلاقییانە و ویژدانییانە و نیشتمانییانە و ئاشتییانە و مەدەنییانەتان، نوێنەر و باڵیۆزە جوامێر و ڕاستەقینەکانی دۆز و داوا و مافە ڕەوا و گشتییەکانی خەڵک.
ئاماژەی بەوەشكردووە، ئومێدمان، کارمان بۆ پشتیوانیکردن و داکۆکیکردن و بەدواداچوونی ئامانج و داواکارییە گشتییەکانتان دەبێت، ئیتر 13 ژمارەی ئومێد و بوون و مان و بەردەوامبوون و گەشەکردنە.
