لە گردبوونەوەیەکی جەماوەریدا مامۆستایان و فەرمانبەرانی مانگرتوو بڕیاری هەلپەساردنی مانگرتنەکەیانداو دەڵێن” ئەمە داواکاری خەڵکە و ویستی ئەوانە”.
پاشنیوەڕۆی ئەمڕۆ 11ـی شوبات، مامۆستایان و فەرمانبەرانی مانگرتوو کە ژمارەیان 13 کەسە، لە ئاپۆڕایەکی جەماوەریدا و لە مینبەری بەردەم خێمەی شکۆ لەبەردەم نوسینگەی نەتەوەیەکگرتووەکان لە سلێمانی بریاری هەڵپەساردنی مانگرتنیان دا.
لە پەیامێکیاندا مانگرتووان رایانگەیاند، سوپاس بۆ ئەوانەی لە پەیامی ئێمە تێگەیشتن و داواکانی ئێمەیان بە جیهان گەیاند، هاوکات سکاڵامان هەیە لە هەموو ئەو کەسانەی نایانەوێت دەنگی ناڕازی هەبێت و چوونەتە ناو ئەو سیستمەوە کە برستیان لە هەموشتێک بڕیوە.
ئاماژەیان بەوەشدا، ئەو چالاکوانانەی دەیەو نیوێکە لەشەقامن و پەیامیان هەیە، و بەداخەوە پەیامەکانیان لەگوێی دەسەڵات نەگەیشت، ئێمە بەم خەباتە مەدەنییە دەنگی خۆمان و مافی بەشخوراوی خەڵکمان بە دەسەڵات و جیهان گەیاند.
مانگرتووان لەپەیامەکەیاندا، سوپاسی تیمی تەندروستی دەکەن کە بەردەوام بوون لەگەڵیان و وێنەی جوانی ئەوانیان نیشاندا، هاوکات پارێزەرانی ژینگە و پاکڕاگرتنی شار کە بەردەوام هاوکاریان بوون.
مانگرتووان پەیامیان بۆ ئۆپۆزیۆن هەیە و دەڵێن” ئۆپۆزسیۆن لە هەرێم ئۆپۆزسیۆنێکی پەرتەوازەن و یەکدەنگ نین، پەرتەوازەن بۆ دەنگی میللەت، هاوکات بەشیک لە لایەنەکان ئێوارە دەمانکەن بە یەکێتی و بەیانی دەمانکەن بە پارتی”.
مانگرتووان ڕاشیانگەیاند، ئێمە لەبەڵینەکان بێزارین و بە بەڵینەوە نەماندەتوانی بێینە دەرەوە، و لەژێر فشاری برسێتیدا نین، بەڵکو ئەم بڕیارەمان لەژێر فشاری دایکان و کەسوکارمان بۆ تەندروستیمان داوە، لەژێر فشاری ئەو دایکانەین بە قورئانی پیرۆزەوە هاتن و داوایان لیکردین،
لەژێر فشاری خاوەن پیداویستییە تایبەتەکانداین بۆ شکاندنی مانگرتن.
مانگرتووان وتیشیان، پیمان وایە توانیومان شکۆ بۆ شەقام و تاک بگێرینەوە، سوپاس بۆ فراکسیۆنە کوردستانییەکان کە دەنگی ئێمەیان گەیاندە پەرلەمانی عیراق ، وتیان پرۆسەیەک لە سلێمانی هەیە کە بۆ داوای ماف ئامادەن بمرن، بەشیک لە دەستکەوتەکان لە سێیەم رۆژی مانگرتنمان بەدەستهات و شانازی دەکەین، هاوکات تێکشکاندنی سنووری جیاکەرەوەی هەردوو زۆن، لەپای ئەو چالاکییەی کە ئەنجامدرا بۆ گەیاندنی دەنگی ئێمە بە یو ئێن، و قوربانیدانیان بە تێپەڕاندنی بازگەی دێگەڵە بەشیکی تری خەباتەکەمان بوو.
دوای بیستنی دڵگەرمیتان بڕیارماندا مانگرتن هەڵپەسیرین و پشتیوانی هەر چالاکییەکی تری مەدەنی دەکەین.
