دادگای فیدراڵی لەبارەی هەڵوەشاندنەوەی دوو وەزارەتی هەرێمی کوردستان بڕیاری دا و سکاڵاکانی ڕەتکردەوە.
ئەمڕۆ سێشەممە، شەرمین بەهجەت، بەڕێوەبەرى کاروبارى یاسایی پەرلەمانى کوردستان ڕایگەیاند: دادگاى باڵاى فیدراڵى سکاڵاى دژ بە هەڵوەشاندنەوەى هەردوو وەزارەتى ئەوقاف و کاروبارى ئایینى و کاروباری شەهیدان و ئەنفالکراوانى حکومەتى هەرێمى کوردستانى ڕەتکردەوە.
بڕیارەکەی دادگای فیدراڵی دوای ئەوە هات کە کەسێک بە ناوی خالید مستەفا سکاڵای لەسەر سەرۆکی پەرلەمانی کوردستان تۆمارکرد و داوای کردبوو وەزارەتی ئەوقاف هەڵبوەشێندرێتەوە و لە بری ئەوە دیوانی مەزهەب و ئایینەکان پێکبهێندرێن.
هەر هەمان کەس لە سکاڵایەکی دیکەدا داوای هەڵوەشاندنەوەی وەزارەتی کاروباری شەهیدان و دروستکردنی دامەزراوەی شەهیدانی کردبوو.
