ئەندامێکی لیژنەی دارایی پەرلەمانی عێراق ڕایگەیاند، هیچ مەترسییەک بۆ مووچەی فەرمانبەران لەئارادا نییە و لە کاتی خۆیدا دابەش دەکرێت.
ئەمڕۆ سێشەممە، موعین کازمی ئەندامی لیژنەی دارایی لە پەرلەمانی عێراق بە میدیا عێراقییەکانی ڕاگەیاند، مووچە زامنکراوە و هیچ مەترسییەک لەسەر دواکەوتنی یاخود نەبونی نەختینە نییە.
ئەندامەکەی لیژنەی دارایی پەرلەمانی عێراق دەشڵێت، مووچەی سەرجەم مانگەکانی داهاتوو زامنکراوە و لە کاتی خۆیدا دابەشدەکرێت، سەبارەت بەو دەنگۆیانەی دەوترێت کێشە بۆ مووچە دروستدەبێت، دوورە لە راستییەوە و هیچ بنەمایەکی نییە.
ئەمە لەکاتێکدایە، حکومەتی هەرێم و حکومەتی عێراق گەیشتنە رێكکەوتن و حکومەتی عێراق 12 مووچەکەی ئەمساڵ لە کات و وادەی خۆییدا دەنێرێت، بەو مەرجەی حکومەتی هەرێم پابەندی ئەو مەرجو یاسایانە بێت کە دانراوە لە ناوەڕۆکی رێککەوتنەکەدا.
