زێڕ بەردەوامە لە تۆمارکردنی ئاستی نوێی مێژوویی و لە دوێنێشەوە نزیکەی 90 دۆلاری دیکە بەرزبووەتەوە.
ئەمڕۆ سێشەممە، نرخی ئۆنسەیەک زێڕ لە بازاڕەکانی جیهاندا گەیشتە دوو هەزار و 942 دۆلار، ئەمەش ئاستێکی نوێی مێژووییە کە زێڕ تۆماری بکات.
لە دەستپێکی ئەم هەفتەیەوە نرخی زێر نزیکەی 90 دۆلار بەرزبووەتەوە و دوێنێ لە سەرەتای کردنەوەی بازاڕەکانی جیهاندا هەر ئۆنسەیەک بە دوو هەزار و 854 دۆلارەوە مامەڵەی پێوەدەکرا.
نرخی زێڕیش لە بازاڕەکانی هەرێمی کوردستاندا بەم شێوەیە مامەڵەی پێوە دەکرێت:
نرخی مسقاڵێک زێڕی عەیارە 18 بە 528 هەزار دینار
نرخی مسقاڵێک زێڕی عەیارە 21 بە 616 هەزار دینار
نرخی مسقاڵێک زێڕی عەیارە 24 بە 704 هەزار دینار
