حەماس ڕادەستکردنەوەی بارمتەکراوەکانی ڕاگرت و بەرپرسیارێتییەکەشی دەخاتە ئەستۆی ئیسرائیل.
ئەبو عوبێدە، وتەبێژی کەتیبەکانی عیزەدین قەسام باڵی سەربازیی بزووتنەوەی حەماس لە کەرتی غەززە، ڕایگەیاند، خولێکی دیکەی ئاڵوگۆڕی دیلەکان لە چوارچێوەی ڕێککەوتنی نێوان بزووتنەوەکەیان و حەماس کە بریارە هەفتەی داهاتوو جێبەجێ بکرێت، بەهۆی پابەند نەبوونی ئیسرائیل بە ڕێککەوتنەکەوە، دوادەخرێت.
ئەبو عوبێدە ڕایگەیاند، “پلانی داهاتووی ئاڵوگۆڕی دیلەکان کە بڕیاربوو ڕۆژی ١٥ی شوبات جێبەجێ بکرێت، بە هۆی پابەند نەبوونی ئیسرائیل بە بەڵێنەکان و بەجێنەگەیاندنی پابەندییەکانی لە هەفتەکانی ڕابردوودا، دوادەخرێت”.
وتەبێژی کەتیبەکانی قەسام جەختی لەوەش کردەوە کە لە ئەگەری پابەندی ئیسرائیل بە بەڵێنەکان، ئەوە ئەوانیش بە بڕیارەکەیاندا دەچنەوە و پابەندی ماددەکانی ڕێککەوتنی نێوانیان دەبن.
هاوکات حکومەتی ئیسرائیلی تۆمەتبار کرد بەوەی گەڕانەوەی ئاوارەکان دوادەخات و بۆردومانیان دەکات، هەروەها ئاستەنگ بۆ گەیشتنی خۆراک بە غەززە دروست دەکات.
لای خۆشیەوە نووسینگەی بنیامین ناتانیاهو، سەرۆک وەزیرانی ئیسرائیل ڕایگەیاند، ئیسرائیل پابەندە بە ڕێککەوتنی ئاگربەست و بڕیارەکەی حەماسیش پێشێلکردنی ڕێککەوتنەکەیە.
