پۆلیسی هەولێر ڕایگەیاند، چەند لایەنێکی دەرەوەی هەرێمی کوردستان هەوڵی شێواندنی دۆخی ئاسایشی هەرێمیان داوە و یەکێکیان دەستگیرکرا.
ئەمشەو بەڕێوەبەرایەتی پۆلیسی هەولێر ڕایگەیاند، دوای ئەوەی چەند لایەنێکی دەرەوەی هەرێمی کوردستان هەوڵی شێواندنی دۆخی ئاسایشی هەرێمی کوردستانیان دا، بەڕێوەبەرایەتیەکەمان بە هەماهەنگی لەگەڵ بەڕێوەبەرایەتی ئاسایشی هەولێر گەیشتە هەندێک دەرئەنجام و هەندێک لەو کەسانەی وەکو ئامرازی برەوپێدانی ئەو هەڵمەتە ناڕەوایە دەستنیشان کران.
ڕاشیگەیاند، یەکێک لەوانەی ئەو هەوڵەیان داوە، “دەستگیرکرا و لە کاتێکی نزیکدا وردەکاریی زیاتر بۆ رای گشتی دەخرێتەروو”.
پۆلیسی هەولێر هیچ ڕوونکردنەوەیەکی زیاتری لەوبارەیەوە نەداوە.
