بڕیارە ساڵی 2025 ساڵێکی سەرنجڕاکێش بێت بۆ ئارەزومەندانی مۆبایلە زیرەکەکان، ئامێرەکانی لە پێشەنگەوە دەست پێدەکات کە سنووری کارایی و دیزاین تێدەپەڕێنن، تا دەگاتە ئامێرە داهێنەرەکان کە خزمەت بە بینەرێکی تایبەت دەکەن کە تایبەتمەندی ناوازەیان هەیە.
لەم چوارچێوەیەدا ماڵپەڕی “ئیندیەن ئێکسپرێس” دەستی خستە سەر پێنج مۆبایلی زیرەکی داهاتوو، کە چاوەڕوان دەکرێت جێپەنجەی خۆیان لە بازاڕەکانی جیهان بەجێبهێڵن، ئەوانیش ئایفۆن SE 4 کە بە تامەزرۆییەوە چاوەڕوانی بڵاوبوونەوەی دەکرێت،هەروەها Nothing Phone 3a کە زۆر دەنگۆی لەسەرە، OPPO Find N5 کە دەتوانرێت بچەمێنرێتەوە، Galaxy S25 Edge ی بریقەدار و بەهێز، هەروەها Xiaomi 15 Ultra کە دەتوانێت چەمکەکانی وێنەگرتنی مۆبایل بگۆڕێت.
ئەپڵ-ئایفۆن SE 4
ئەگەر بیر لە کڕینی ئایفۆن 14 یان تەنانەت ئایفۆن 15 دەکەیتەوە، ڕەنگە بتەوێت چاوەڕێی ئایفۆن SE 4 بکەیت کە بەم زووانە دەخرێتە بازاڕەوە، کە دەکرێت بژاردەیەکی باشتر بێت.
بەپێی زانیارییە دزەپێکراوەکان، مۆبایلەکە پێشکەوتنی گەورەی دەبێت بە بەراورد بە مۆبایلەکەی پێش خۆی، بە دیزاینێکی مۆدێرن کە شاشەی OLED لە لێوارەوە بۆ لێوار و چیپی A18 بە پاڵپشتی ئەپڵ ئینتلێجنس و دەرچەی USB-C و کامێرای 48 مێگاپێکسڵ لەخۆدەگرێت.
هەروەها پێشبینی دەکرێت لەڕووی فرۆشتنەوە زیاتر بفرۆشرێت چونکە لە ئایفۆن 15 نرخەکەی زۆر کەمتر دەبێت.
لە ڕووی دیزاینەوە پێشبینی دەکرێت هاوشێوەی ئایفۆن 14 بێت بە یەک کامێرای دواوە.
ئۆپۆ OPPO Find N5
مۆبایلی زیرەکی OPPO Find N5 کە پێشبینی دەکرێت لە ئاستی جیهانیدا بە ناوی OnePlus Open 2 بخرێتە بازاڕەوە، دەتوانێت ئاستێکی نوێی دیزاین نمایش بکات.
هەروەها دەبێتە یەکەم مۆبایلی تاودان کە هەڵگری پەردەی بەرگری ئاوی IPX9 بێت.
بڕیارە بە پڕۆسێسەری سناپدراگۆن ٨ ئێلیتی کۆمپانیای کوالکۆم کاربکات، کە لە زۆربەی مۆبایلە پێشەنگەکانی ئەندرۆید لە ساڵی 2025دا کاردەکات.
Nothing Phone (3a)
بۆ ئەوانەی بەدوای مۆبایلێکی پراکتیکی و گونجاودا دەگەڕێن، مۆبایلی Nothing Phone 3a هەڵبژاردەیەکی گونجاوە، بەو پێیەی پێشبینی دەکرێت بە نرخی کەمتر لە 360 دۆلار بخرێتە بازاڕەوە، هەروەها پێشبینی دەکرێت بە زیادکردنی کامێرایەکی تایبەت بە تەلەفۆتۆ و دوگمەی شەتەری کامێرای فیزیکی هاوشێوەی ئایفۆن 16.
وەک مۆبایلەکانی پێش خۆی، ڕووناکی Glyph ی Nothing’s ی دەبێت، و پێدەچێت Nothing OS 3 لەسەر ئەندرۆید 15 بەکاربهێنێت.
Galaxy S25 Edge
مۆبایلێکی پێشەنگ کە تەنک و کێشی سووکە، ئەمانە ئەو بەڵێنانەن کە مۆبایلی Galaxy S25 Edge هەڵیگرتووە.
لە ئیڤێنتەکەی Galaxy Unpacked ڕاگەیەندرا، و ئامانجی زیندووکردنەوەی پۆلی مۆبایلە درەوشاوە و کەشخەکانە.
هەروەها باس لەوە دەکرێت کە سامسۆنگ پێکهاتە سەرەکییەکانی وەک مەزەربۆرد و مۆدیۆلی کامێرای دیزاین کردووەتەوە بۆ ئەوەی تێکەڵەیەک لە بچووکی و هێز بەدەستبهێنێت.
شاومی 15 ئۆڵترا
شاومی 15 Ultra بە پڕۆسێسەری Snapdragon 8 Elite کاردەکات و پێشبینی دەکرێت لە وێنەگرتنی مۆبایلدا گۆرانکاری گەورە دروست بکات.
هەڵگری ڕێکخستنی چوار کامێرا دەبێت بە هاوکاری لەگەڵ کۆمپانیای لایکا، کە کارایییەکی بێ وێنە لە خۆکارکردن و کارایی کامێرادا پێشکەش دەکات.
مۆبایلەکە لە ئێستاوە لە هەندێک ناوچەدا داواکاری پێشوەختەی بەردەستە، پێشبینیش دەکرێت لە مانگی ئازاردا لە کۆنگرەی جیهانی مۆبایلدا یەکەمجار لە جیهاندا دەربکەوێت.
