لە سنووری گەرمیان منداڵێک بەڕووداوی هاتووچۆ گیانی لەدەستدا.
بەڕێوەبەرایەتی هاتووچۆی گەرمیان بڵاویكردەوە، ئەمڕۆ (دوو شەممە) لەناحیەی ڕزگاری ئۆتۆمبێلێکی جۆری مان بارهەڵگر منداڵێکی شێلا و برینداریکرد، پاشان ڕەوانەی نەخۆشخانەی فریاکەوتنی شەهید هەژار کرا.
ڕاشیگەیاند، بەهۆی سەختی برینەکەی گیانی لە دەستدا و لێکۆڵینەوە لە ڕووداوەکە لەلایەن تیمی هاتووچۆوە دەستیپێکردووە.
منداڵەکە تەمەنی 6 ساڵە و دانیشووی ناحیەی ڕزگارییە.
