هێڵی ئاسمانی عێراقی هۆکاری نیشتنەوەی بەپەلەی یەکێک لە فڕۆکەکانی لە فڕۆکەخانەی نێودەوڵەتی بەغدا ڕوون دەکاتەوە و دەڵێت: لە بەسڕەوە بەرەو هەولێر ڕۆیشتووە و تیایدا كەسێك گیانی لەدەستداوە.
وەزارەتی گواستنەوەی عێراق لە بەیاننامەیەكدا ئاماژەی بەوەكردووە، کارگێڕی هێڵی ئاسمانی عێراقی دەیەوێت هۆکاری نیشتنەوەی بەپەلەی یەکێک لە فڕۆکەکانی لە فڕۆکەخانەی نێودەوڵەتی بەغدا ڕوون بکاتەوە، کە لە فڕۆکەخانەی نێودەوڵەتی بەسرە بەرەو فڕۆکەخانەی نێودەوڵەتی هەولێر دەڕۆیشت، لەوێ ناچار بوو لە فڕۆکەخانەی نێودەوڵەتی بەغدا نیشتنەوەی بەپەلە ئەنجام بدات.
ڕاشیگەیاندووە، هۆكارەكەی ئەوەیە، كە یەکێک لە سەرنشینەکان تووشی حاڵەتێکی تەندروستی فریاگوزاری بووە، لەکاتی گەشتەکەدا، کە بووە هۆی گیان لەدەستدانی.
دەشڵێت: تیمی فڕۆکەوانی بەپێی ئەو ڕێکارانەی کە لە ئاستی جیهانیدا پەیڕەو دەکرێن لەم جۆرە حاڵەتانەدا مامەڵەیان لەگەڵ دۆخەکەدا کردووە، بەو پێیەی بڕیاری نیشتنەوەی بەپەلە دراوە دوای چوونە ناو ئاسمانی پایتەخت، بۆ پاراستنی سەلامەتی سەرنشینەکان، چونکە بڕیارەکانی نیشتنەوەی فریاگوزاری لەم جۆرە بارودۆخانەدا لەگەڵ یاسا و ڕێسا نێودەوڵەتییەکان دەگونجێت، کە پێویستە هاوکاری خێرا بۆ هەر دۆخێکی لەناکاو، کە لەناو فڕۆکەدا ڕووبدات.
