بڕیارە هەفتەی داهاتوو شاندی ئیمڕاڵی سەردانی هەرێمی کوردستان بکەن و لەگەڵ هەریەک لە سەرۆکی یەکێتی و سەرۆکی پارتی کۆببنەوە.
شاندی ئیمڕاڵی بڵاویکردەوە، لەهەفتەی داهاتوودا سەردانی هەرێمی كوردستان دەكەن و زنجیرەیەك كۆبوونەوە لەگەڵ لێپرسراوانی سیاسی لەهەولێر و سلێمانی ساز دەكەن.
لە بڵاوکراوەکەی شاندەکەدا هاتووە، بریارە سەردانی هەولێر بکرێت و لەگەڵ سەرۆکی پارتی کۆببنەوە، پاشان سەردانی سلێمانی دەكات و لەگەڵ بافڵ جەلال تاڵەبانی سەرۆكی یەكێتیی نیشتمانیی كوردستان و قوباد تاڵەبانی جێگری سەرۆكوەزیرانی هەرێم كۆدەبێتەوە.
شاندەکە پێکهاتووە لە، سری سورەییا ئۆندەر و پەروین بوڵدان و كاسكین بایندر و بڕیارە هەفتەی داهاتوو سەردانی هەرێمی كوردستان بكەن.
