کەشناسی هەرێمی کوردستان ڕایگەیاند، پلەی گەرما لە هەندێک ناوچەی هەرێم بۆ 9ی ژێر سفر دادەبەزێت و سبەینێش بەفر دەبارێت.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ دووشەممە، ئاسمان لەنێوان ساماڵ و نیمچە هەور دەبێت و پلەی گەرما لە ناوچە شاخاوییەکان 2-3 پلە نزم دەبێتەوە.
سەبارەت بە سبەینێ سێشەممەش ڕایگەیاند، ئاسمان لەنێوان هەور و نیمچە هەور دەبێت، لە کاتەکانی بەیانی ئەگەری کەمێک دابارینی نمە باران و بەفر هەیە لەناوچە کانی ڕۆژئاوای هەرێم.
ئەوەشی خستەڕوو کە کاریگەری دابارینەکە درێژ دەبێتەوە تاوەکو کاتەکانی شەو بۆ ناوچە شاخاوییە سنوورییەکان و زیاتریش ناوچەکانی بادینان دەگرێتەوە.
بەرزترین پلەکانی گەرمای پێشبینیکراو بە پلەی سیلیزی:
هەولێر : 12 پلەى سیلیزى
سلێمانی : 9 پلەى سیلیزى
دهۆک : 10 پلەى سیلیزى
کەرکووک : 14 پلەى سیلیزى
زاخۆ : 10 پلەى سیلیزى
هەڵەبجە : 10 پلەى سیلیزى
حاجی ئۆمەران: -7 پلەى سیلیزى
سۆران: 8 پلەى سیلیزى
گەرمیان : 15 پلەى سیلیزى
