وەزارەتی بازرگانی عێراق وادەی دابەشکردنی بەشەخۆراکی مانگی ڕەمەزانی ڕاگەیاند، کە پێنج ماددەی نوێی تیادایە.
هاشم موسەوی، بەڕێوەبەری بازرگانیی بەرهەمە خۆراکییەکانی عێراق بە میدیا ناوخۆییەکانی ڕایگەیاندووە، لە 10 ڕۆژ پێش هاتنی مانگی رەمەزان دەست بە دابەشکردنی سەبەتەی خۆراک دەکرێت کە جگە لە بەرهەمە سەرەکییەکان پێنج جۆر بەرهەمی پاقلەمەنی وەک (ماش، فاسۆلیا، دوو جۆر نۆک، نیسک) لەخۆدەگرێت.
باسی لەوەشکرد، “هەر خێزانێک دەتوانێت لە کۆی ئەو پێنج بەرهەمە زیادەیە، چوار بەرهەمیان وەربگرێت، بە شێوەیەک هەر خێزانێکی چوار کەسی دەتوانێت بڕی یەک کیلۆگرام لە هەر جۆرێکیان وەربگرێت”.
