لەماوەی یەك هەفتەدا نرخی ئۆنسەیەك زێڕ زیاتر لە 100 دۆلار بەرزبۆتەوە و زێڕنگەرێك دەڵێت: چاوەڕێی گۆڕانکاریەکی نوێ دەکرێت لە جووڵەی زێڕ.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، هەفتەی ڕابردوو ئۆنسەی زێڕ لە 2772 دۆلارەوە بەرزبوونی دەست پێکرد تا گەیشتە 2886 دۆلار، واتە 114 دۆلار بەرزبوونی تۆماركرد.
ڕاشیگەیاند، ئەم هەفتەیەش چاوەڕێی گۆڕانکاریەکی نوێ دەکرێت لە جووڵەی زێڕ و داتای گرنگش هەیە لەوانە، هەڵئاوسانی ئەمریکا و شاهێتیدانی جێرۆم پاوڵ، سەرۆکی بانکی فیدڕاڵی ئەمریکا لە ڕۆژی سێ شەممە و چوار شەممە.
وتیشی، لە ئێستادا نرخی یەك ئۆنسەی زێر بە 2861 دۆلارە، كە نرخی یەك لیرەی عەیار 21 بە 603 هەزار دینارە.
ئاماژەی بەوەشكرد، نرخی یەك مسقاڵ زێڕی عەیار 24 گەیشتۆتە 688 هەزار دینار و عەیاری 21 بووە بە 603 هەزار دینار و عەیاری 18 بووە بە 517 هەزار دینار.
