فەرمانگەی دیوانی پارێزگای هەڵەبجە بایکۆتی دەوامیان ڕاگەیاند و دەڵن”گرفت مۆ مووچەی مانگی دوو دروستدەبێت”.
لە نووسراوێکدا، فەرمانبەرانی فەرمانگەی دیوانی پارێزگای هەڵەبجە رایانگەیاند، پاش فەوتانی مووچەی مانگی 12 و لە جاوەڕوانی وەرگرتنی مووچەی مانگی یەک، ئەمرۆ بەهۆی نەبوونی پاریزگاری هەڵەبجە گرفت بۆ کارەکانمان دروستبوو و سەرجەم کارەکانمان ڕاگیرا.
ئاماژە بەوەشدەکەن، زیاتر لە مانگێکە سەرجەم کارەکانمان ڕاگیراوە و هیچ کارێک ڕایی ناکرێت بەهۆی نەبوونی پاریزگار، و بۆ مووچەی مانگی دوو کێشەی یاسایی دروستدەبێت.
بەپیی نووسراوەکە، فەرمانبەران ڕایانگەیاندووە، تاچارەسەری ئەو پرسە فەرمانبەران دەرگای فەرمانگەکە دادەخەن، و دەڵێن”ئەمە بەبێ باوکی و بەکەم سەیرکردنی پارێزگاکەمانە”.
