سەرۆک کۆماری عێراق سکاڵای لەسەر سەرۆکی ئەنجوومەنی وەزیرانی عێراق و وەزیری دارایی عێڕاق تۆمارکرد و داوادەکات”دادگای باڵا بڕیاری کۆتایی بدات بە دابەشکردنی مووچەی فەرمانبەرانی هەرێم بەبێ دواکەوتن”.
هاوڕێ تۆفیق، ڕاوێژکاری سەرۆک کۆماری عێراق، لە کۆنفرانسێکی ڕۆژنامەوانیدا ڕایگەیاند، د.لەتیف ڕەشید، سەرۆک کۆماری عێراق لەدادگای باڵای فیدڕاڵی سکاڵای لەسەر محەمەد شیاع سودانی و تەیف سامی تۆمارکرد و داوادەکات دادگا بریاری یەکلاکەرەوە لەسەر پرسی مووچەی هەرێم دەربکات.
ئاماژەی بەوەشدا، سکاڵاکەی سەرۆک کۆمار لەسەر سەرۆک وەزیرانی عێراق سەرەرای کارەکەیی و وەزیری دارایی عێراق سەرەرای کارەکەیەتی، سەبارەت بە دابینکردنی مووچەی مووچەخۆرانی هەرێم بەبێ هیج بیانوویەکی تەکنیکی و میزان موڕاجەعە و ئەو کۆتانەی بۆی دانراوە، و داوا دەکەین دادگای باڵا ئەمری وەلائی بۆ دابینکردنی مووچەی بی مەرج بەتەواوی بۆ مووچەخۆرانی هەرێم دەربکات.
راشیگەیاند، دادبینی سکاڵاکە رۆژی چوارشەممە 12ـی شوبات بەڕێوەدەچێت و پێشبینی دەکەین دادگا سەروارانە بریاری کۆتایی بدات.
هاوکات هاوڕێ تۆفیق ڕاشیگەیاند، سوپاسی بافل تاڵەبانی سەرۆکی یەکیتی و قوباد تاڵەبانی جێگری سەرۆکی حکومەتی هەرێم دەکەین کە لەسەرجەم سەردان و بەدواداچوونەکانیان لەبارەی پرسی مووچە هاوئاهەنگی سەرۆک کۆماربوون و هەوڵی چارەسەری ئەم گرفتەیان داوە.
