وەزارەتی دەرەوەی عێراق بە توندی لێدوانەکانی سەرۆک وەزیرانی ئیسرائیل، لەبارەی دامەزراندنی دەوڵەتی فەڵەستین لە سعوودیە ڕەت دەکاتەوە.
ئەمڕۆ یەکشەممە، وەزارەتی دەرەوەی عێراق ڕایگەیاند، “بە توندی لێدوانە ئیستیفسازییەکانی بنیامین ناتانیاھو، سەرۆک وەزیرانی قەوارەی زایۆنی لەبارەی دامەزراندنی دەوڵەتی فەڵەستین لەسەر خاکی سعوودیە ڕەت دەکەینەوە و ئیدانەی دەکەین”.
ڕاشیگەیاند: “لێدوانەکان، پێشێلکردنی ئاشکرای سەروەریی سعوودیە و دەستدرێژیکردنە بۆ سەر مافە ڕەواکانی گەلی فەڵەستین، ھەروەھا پێشێلکردنی یاسا نێودەوڵەتییەکان و پەیماننامەی نەتەوە یەکگرتووەکانە”.
ھەروەھا وەزارەتی دەرەوەی عێراق، پاڵپشتی خۆی بۆ سعوودیە دووپات کردووەتەوە و جەختی لەوەش کردووەتەوە کە ھەڵوێستی عێراق لە پاڵپشتیکردنی ئاسایش، سەقامگیریی و سەروەریی وڵاتان، نەگۆڕە.
لە ڕاگەیاندراوەکەدا، هەروەها هاتووە: “زیانگەیاندن بە سەروەریی نیشتمانی ھەر وڵاتێک، بە تەواوی ڕەت دەکەینەوە”.
