مەسرور بارزانی، سەرۆک وەزیرانی هەرێم، پیرۆزبایی لە گەل و حکومەتی نوێی لوبنان دەکات بەبۆنەی پێکهێنانی کابینەی نوێی حکومەتەوە، پشتیوانیی حکومەتی هەرێمیشی بۆ دووپات دەکاتەوە.
ئەمڕۆ یەکشەممە، مەسرور بارزانی، سەرۆکی حکومەتی هەرێمی کوردستان لە پەیامێکدا لە تۆڕی کۆمەڵایەتی ئێکس، پیرۆزبایی لە سەرکردایەتی و گەلی لوبنان کرد بە بۆنەی ڕاگەیاندنی پێکهێنانی حکومەتی نوێ بە سەرۆکایەتیی دادوەر نەواف سەلام.
مەسرور بارزانی، هیوای سەرکەوتن بۆ حکوومەتی نوێی لوبنان دەخوازێت و پشتیوانیی هەوڵەکانیشی دەکات بۆ دەستەبەرکردنی ئاسایش، سەقامگیریی و گەشەسەندن بۆ خەڵکی لوبنان و بەرەوپێشبردنی ئەو وڵاتە.
سەرۆک وەزیرانی هەرێم، لە بەشێکی دیکەی پۆستەکەیدا پشتیوانیی حکومەتی هەرێمی کوردستانی بۆ حکومەتی نوێی لوبنان دووپات کردووەتەوە.
