دوابەدوای پارێزگای سلێمانی و ئیدارەی ڕاپەڕین، لە پارێزگای هەڵەبجە سبەینێ لە سەرجەم ناوەندەكانی خوێندن كرا بە پشووی فەرمی.
بەڕێوەبەرایەتی گشتی پەروەردەی هەڵەبجەی شەهید لە ڕاگەیەنراوێكدا ئاماژەی بەوەكردووە، لەپێناو پاراستنی سەلامەتی گیانی خوێندکاران و مامۆستایان، سبەینی لە سەرجەم باخچە و خوێندنگاکانی سنوری بەڕێوەبەرایەتی گشتیمان پشووی فەرمیە.
دەقی ڕاگەیەنراوەكە:
ڕاگەیەنراوێک لە بەڕێوەبەرایەتی گشتی پەروەدەی هەڵەبجەی شەهیدەوە لەبارەی نالەباری کەشوهەوا …
بەپشت بەستن بە پێشبینییەکانی دامەزراوەی کەشناسی و بومەلەرزەی هەرێمی کوردستان و نالەباری کەشوهەوای ناوچە جیا جیاکانی کوردستان و بەفربارین و سەرما، پاش ڕاوێژ لەگەڵ جەنابی پارێزگاری هەڵەبجە، لەپێناو پاراستنی سەلامەتی گیانی خوێندکاران و قوتابیان و مامۆستایان ،سبەینی لە سەرجەم باخچە و قوتابخانە و خوێندنگاکانی سنوری بەڕێوەبەرایەتی گشتیمان پشووی فەرمیە.
