وەزارەتی خوێندنی باڵا و توێژینەوەی زانستی حكومەتی هەرێم بڕیاریدا بۆ پشووی سبەینێ لە سەرجەم زانكۆ و پەیمانگا حكومی و ئەهلییەكان بەهۆی سەرماوسۆڵەوە دەسەڵات بدرێتە سەرۆكی زانكۆ و دامەزراوەكان.
ڕاگەیەنراوێک لە وەزارەتی خوێندنی باڵا و توێژینەوەی زانستی لەبارەی نالەباری کەشوهەوا …
بەپشت بەستن بە پێشبینییەکانی دامەزراوەی کەشناسی و بومەلەرزەی هەرێمی کوردستان و نالەباری کەشوهەوای ناوچە جیا جیاکانی کوردستان و بەفربارین و سەرما، لەپێناو پاراستنی سەلامەتی گیانی خوێندکاران و قوتابیان و مامۆستایان و فەرمانبەرانی دامەزراوەکانی خوێندنی باڵا لە هەردوو کەرتی گشتی و تایبەت، لەسەر فەرمانی د. ئارام محمد قادر، وەزیری خوێندنی باڵا و توێژینەوەی زانستی بە رەچاوکردنی بارودۆخی کەشوهەوای ناوچە جیاجیاکانی هەرێمی کوردستان، دەسەڵات دەدرێت بە سەرۆک زانکۆکان و دامەزراوەکانی تری سەر بە وەزارەتەکەمان بۆ ئەوەی لە کاتی پێویستدا دەوام ڕابگرن.
