شارەزایەكی كەشناسی ڕایدەگەیەنێت، ئەو شەپۆلە سەرمایەی ناوچەكانی هەرێمی گرتۆتەوە بەردەوام دەبێت و دەشڵێت: ڕەشەبا و كڕێوە دەستپێدەكات.
شاڵاو هیدایەت، شارەزای بواری كەشناسی بۆ (خەڵك) ڕایگەیاند، ئەو شەپۆلی سەرمایەی لە چەند ڕۆژی ڕابردووەوە هەرێمی كوردستانی گرتووەتەوە تا ناوەڕاستی هەفتە بەردەوام دەبێت و لە دوای ئەو كاتەوە دەكشێتەوە و كاریگەری كەم دەبێتەوە.
ئاماژەی بەوەشكرد، ئەمشەو و دوو شەوی داهاتوو خێرایی با زیاد دەكات.
وتیشی، “بە گشتیی پلەكانی گەرما لە ناوچە جیاوازەكان ڕوو لە نزم بوونەوەی زیاتردەكات تەنانەت لە سەنتەری شارەكانیش بۆ ژێرپلەی سفری سەدی دادەبەزێت، ئاسمان ساماڵ دەبێت و شەختە دروست دەبێت.
