ئه‌نجوومه‌نی پارێزگای كه‌ربه‌لا و چەند پارێزگایەكی دیكە، بڕیاریاندا ڕۆژی پێنج شه‌ممه‌ی داهاتووی له‌سه‌رجه‌م داموده‌زگا حكومییه‌كانی پارێزگاكه به‌بۆنه‌ی زیاره‌تی نیوه‌ی مانگی شه‌عبان بكرێتە پشوو.
ئەنجوومەنی پارێزگای كەربەلا لە ڕاگەیەنراوێكدا ئاماژەی بەوەكردووە، ڕۆژی پێنج شەممە 13ی شوبات بەبۆنەی 15ی شەعبان-ەوە بكرێتە پشوو.
ماوه‌ی چه‌ند ساڵێكه چه‌ند پارێزگایه‌كی عێراق، به‌بۆنه‌ی یادی له‌دایكبوونی ئیمام مه‌هدی، ئیمامی دوازده‌یه‌می شیعه‌كان و زیاره‌تی شه‌عبانی له نیوه‌ی مانگی شه‌عبان ده‌یكه‌ن به پشوو و بۆ ئه‌مساڵیش یه‌كه‌م پارێزگا له عێراق، ئه‌نجوومه‌نی پارێزگای كه‌ربه‌لا ئاشكرای كرد، كه به‌و بۆنه‌یه‌وه پێنج شه‌ممه‌ی داهاتوو له پارێزگاكه‌یان پشووه و شیعه مه‌زهه‌به‌كان له‌و رۆژه‌دا ڕێوه‌ڕسمی جۆراوجۆری ئایینیی به‌ڕێوه ده‌بن.
ئەمە لەكاتێكدایە، كە لە هەرێمی كوردستان ڕۆژی هەینی 14ی شوبات دەبێتە 15ی شەعبان و بەوەش شەوی پێنج شەممە لەسەر هەینی بە شەوی “بەرات” دادەنرێت.
