سەرۆکی حکومەتی هەرێم و سەرۆکی هاوپەیمانی سیادە کۆبوونەوە و جەختیان لە چارەسەری گرفتەکان کردەوە.
مەسرور بارزانی، سەرۆکی حکومەتی هەرێم بڵاویکردەوە، ئەمڕۆ لەگەڵ خەمیس خەنجەر سەرۆکی هاوپەیمانیی سیادە کۆبوینەوە و بیروڕامان لەبارەی پرسە هەنووکەییەکان و دۆخی گشتیی عێراق و ناوچەکە و پەیوەندییەکانی هەرێمی کوردستان و حکومەتی فیدراڵ ئاڵوگۆڕ کرد.
ئاماژەی بەوەشداوە، لە کۆبوونەوەکەدا جەختمان لە گرنگیی چارەسەرکردنی کێشە و ناکۆکییەکان لە ڕێگەی گفتوگۆ و لە سەر بنەمای دەستوور و ڕێزگرتن لە مافی گشت پێکهاتەکان و پاراستنی ئاسایش و سەقامگیریی عێراق کردەوە.
