سبەینێ یەکشەممە مووچەی مانگی یەکی 10 وەزارەت و ئەنجومەنی دادوەری دابەش دەکرێت.
بەپێی خشتەی دابەشکردنی مووچەی مانگی یەک، کە وەزارەتی دارایی و ئابووری پێشتر بڵاویکردووەتەوە، سبەینێ یەکشەممە، مووچەی هەریەکە لە وەزارەتەکانی ئاوەدانکردنەوە و نیشتەجێکردن، تەندروستی، ناوخۆ، داد، ئەنجومەنی دادوەری، وەزارەتی پلاندانان، پیشەسازی و بازرگانی، سامانە سروشتییەکان، گواستنەوە و گەیاندن، کشتوکاڵ و سەرچاوەکانی ئاو، شارەوانی و گەشتوگوزار دابەش دەکرێت.
هاوکات، بڕیارە ڕۆژی دووشەممە 10ی کانوونی دووەمی 2025، کۆتایی بە دابەشکردنی مووچەی مانگی یەک بێت و ڕۆژی سێشەممە 11ی ئەم مانگە، مووچەی مامۆستایانی گرێبەست دابەش دەکرێت.
ئەمە لەکاتێکدایە تا ئێستا چارەنووسی مووچەی مانگی 12ی ساڵی ڕابردوو بە نادیاری ماوەتەوە.
