بە فەرمانێکی کارگێڕیی، پەخشکردنی ڕاستەوخۆی وتاری هەینی لە کەناڵەکاندا قەدەغە کرا و تەنیا ڕێ بە دەزگاکانی وەزارەتی ئەوقاف دەدرێت، ڕووماڵی وتار بکەن.
بە پێی فەرمانێکی کارگێڕی کە بەڕێوەبەرایەتی گشتی ئەوقافی پارێزگەی دهۆک ئاڕاستە مزگەوتەکانی کردووە، ڕێگە بە دەزگاکانی ڕاگەیاندن نادرێت ڕووماڵی وتاری هەینیی مزگەوتەکان بکەن.
لە فەرمانەکەدا هاتووە کە تەنیا ڕێ بە دەزگاکانی ڕاگەیاندنی سەر بە وەزارەتی ئەوقاف دەدرێت وتاری مزگەوتەکان بگوازنەوە.
لە نووسراوەکەدا هاتووە کە ئەو بڕیارە “لەبەر بەرژەوەندی گشتی” و بە پێی دەسەڵاتەکانی بەڕێوەبەری ئەوقاف دراوە.
تا ئێستا وەزارەتی ئەوقاف ڕوونکردنەوەی لەوبارەیەوە نەداوە کە ئایا بڕیارەکە تایبەتە بە دهۆک یان شارەکانی دیکەش دەگرێتەوە.
