بەڕێوەبەرایەتی ڕەگەزنامەی سلێمانی ڕوونکردنەوەیەکی بڵاوکردەوە و دەڵێت”کار بە پارەدانی ئەلکترۆنی دەکەین”.
لە ڕوونکردنەوەیەکدا، بەڕێوەبەرایەتی ڕەگەزنامەوباری شارستانی سلێمانی سەبارەت بە كارتی بانكی بۆ مامەڵەكانی كارتی نیشتیمانی ڕایگەیاند، لەڕۆژی یەک شەممە ڕێكەوتی (٢٠٢٥/٢/١٦) وە لەگشت فەرمانگەكانی كارتی نیشتیمانی لە سنووری هەردوو پارێزگای سلێمانی و هەڵەبجە كار بە سیستەمی پارەدانی كاش ناكرێت لە رایی كردنی مامەڵەی هاووڵاتیاندا و كار بە سیستەمی پارە دانی ئەلكترۆنی دەكرێت.
ئاماژەی بەوەشداوە، پێویستە هەر هاووڵاتی یەك كە سەردانی فەرمانگەكانی كارتی نیشتیمانی دەكات بۆ هەر مامەڵەیەك خاوەنی كارتی بانكی بێت و بە پێچەوانەوە هیچ كارێكیان بۆ ناكرێت.
هەربەپێی ڕوونکردنەوەکە، كارتی بانكی سەرۆكی خێزان بۆ هەموو ئەندامانی خێزان كار ی پێدەكرێت، و دەكرێت بەم كارتە مامەڵەی كارتی نیشتیمانی ئەنجام بدرێت لە:
– بەڕێوەبەرایەتی ڕەگەزنامەوباری شارستانی سلێمانی
– فەرمانگەكانی كارتی نیشتیمانی لە سنووری پارێزگای سلێمانی و هەڵەبجە
٣. هەموو جۆرەكانی كارتی بانكی بۆ مامەڵەكان كار پێدەكرێت.
٤. ئەندامانی خێزان دەتوانن كارتی سەرۆكی خێزان بەكار بهێنن بۆ مامەڵەی كارتی نیشتیمانی.
