دوای کۆبوونەوەیان لەگەڵ شاندی پەرلەمانی عێڕاق مامۆستایانی مانگرتوو هەڵوێستیان ڕاگەیاند و دەڵێن”بێ دەستکەوتی بەرجەستە مانگرتن ناشکێنین”.
ئەمڕۆ7ـی شوباتی 2025، مامۆستایانی مانگرتوو لە کۆنگرەیەکی ڕۆژنامەوانیدا ڕایانگەیاند، وەک مامۆستایان و فەرمانبەرانی مانگرتوو هاوشێوەی زیاتر لە 30 ساڵ لەمەوبەر مانگرتنمان بۆ دابینکردنی مافە ڕەواکانمان ئەنجامدا، بەڵام هیچ هەڵوێستێکی ڕوون و بەدەمەوەهاتنی ڕاستەوخۆمان لەحکومەتی هەرێم نەبینی.
ئاماژەیان بەوەشدا، نە سەرۆكی حكومەت و نە جێگرەكەی كە كیلۆمەترێك ماڵەكەی لە ئێمەوە دوورە مویان نەبزواند و ژیانی 13 هاووڵاتی هیچ بەهایەكی بۆ ئەوان نەبوو.، و لەبری ئەوە وتەبێژی حکومەتی هەرێم بەزمانێکی نابەرپرسیار تۆمەت و قسەی بێ بنەما دەداتە پاڵمان کە هیچ ئەرزشێکی نییە.
ڕاشیانگەیاند، ئێمە بەبێ دەستكەوتی بەرجەستە بەهیچ شێوەیەك ئامادەنین مانگرتن بشكێنین، و هیچ كەس ناتوانێت لەبری مانگرتووان بڕیار بدات، هاوکات سەرجەم جارەسەرە پزیشکییەکان ڕەتدەکەینەوە و دەچینەوە سەرجێگەی مانگرتن.
