مامۆستایانی مانگرتوو دوای تێپەڕبوونی 11 ڕۆژ بڕیاری نوێیان ڕاگەیاند و دەڵێن”چیتر چارەسەری پزیشکیش وەرناگرین”.
ئەمڕۆ هەینی، 7ـی شوباتی 2025، وتەبێژی مامۆستایانی مانگرتوو ڕایگەیاند، مامۆستایان و فەرمانبەرانی مانگرتوو بڕیاری نوێیان لەبارەی مانگرتنەوەدا و لەمرۆوە چارەسەری پزیسکی ڕەتدەکەنەوە و کانۆلاکانیان لابرد.
هاوکات د. سەباح هەورامی بەڕێوەبەری گشتی تەندروستی سلێمانی، لەکۆنگرەیەکی ڕۆژنامەوانیدا ڕایگەیاند، لەئەمڕۆوە دۆخی تەندروستی مانگرتوان پێ دەنێتە قۆناغێکی نوێ و مەترسیدارەوە، ئەو بڕیارەی ئەوان داویانە دەبێتەهۆی دروستبوونی مەترسی لەسەر ژیانیان.
ئاماژەی بەوەشدا، ئەم بڕیارەی مانگرتووان بەوەرنەگرتنی چارەسەری پزیشکی مەترسیدارە، چونکە لەمڕۆوە قۆناغێكی تری تەندروستی مانگرتووان دەستپێدەكات، كێشیان دادەبەزێت، هەموو ئۆرگانەكانی لەشیان روو لە لاواز بوون دەكات، ئێمە بەهیچ شێوەیەک پشتیوانی لەو بڕیارەیان ناکەین و پاڵپشتی بڕیاری وەرنەگرتنی چارەسەری پزیشکی ڕەتدەکەینەوە.
ماوەی زیاتر لە 10 ڕۆژە بەشێک لە مامۆستایان و فەرمانبەرانی ناڕازی لەبەردەم بینای نوێنەری نەتەوەیەکگرتووەکان لە سلێمانی مانیان لە خواردن و خواردنەوە گرتووە لەپێناو داواکارییەکانیان، کەخۆی لە دابینکردنی مووچە وپێدانی لە وادەی خۆیدا و تەوتینی مووچەکانیان و کردنەوەی پلەبەرزکردنەوە.
