ئەندامێکی پەرلەمانی عێڕاق وادەی هاتنی شاندی پەرلەمانی عێڕاق بۆلای مانگرتووان ئاشکرا دەکات.
کاروان یاروەیس، ئەندامی پەرلەمانی عێڕاق بڵاویکردەوە، دوانیوەرۆی ئەمرۆ شاندێکی باڵای پەرلەمانی عێراق سەردانی خێمەی مانگرتوان لە سلێمانی دەکەن.
ماوەى 11 رۆژە مانگرتنى ژمارەیەک لە مامۆستایان و فەرمانبەران، بەرامبەر ئۆفیسی نەتەوەیەکگرتووەکان لە سلێمانی، بەردەوامە و تاوەکو ئێستا حکومەتى هەرێمى کوردستان وەڵامى داواکارییەکانیانی نەداوەتەوە.
هاوکات ئەنجوومەنی سەرتاسەری مامۆستایان و فەرمانبەرانی ناڕازی ڕایانگەیاند، بۆ پشتیوانی لە هاوڕێ مانگرتووەکانیان رۆژى یەکشەممە 9ـى شوباتى 2025، بەرەو هەولێر بەڕێبکەون، تا دەسەڵات لەنزیکەوە دەنگ و ناڕەزایەتییەکانیان ببیستێت.
