کەشناسی: ئەمشەو بەفربارین بەردەوام دەبێت و ئەگەری دروستبوونی شەختە هەیە

کەشناسی هەرێمی کوردستان ڕایگەیاند ئەگەری دروستبوونی شەختە هەیە و لە ١٢ کاتژمێری ڕابردووشدا زۆرترین بڕی باران لە سلێمانی و بازیان و خانەقین باریوە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمشەو ئاسمانى هەرێم هەورى تەواو دەبێت و هەندێک کات دەگۆڕێت بۆ نیمچە هەور، لەگەڵ بارینى نمەبارانى پچڕ پچڕ لە زۆربەى ناوچەکان و ڕێژەى بارانبارینیش لە ناوەڕاستى هەرێم کەمتر دەبێت بە بەراورد لە ناوچەکانى.

ڕوونیشیکردەوە کە بەفربارین بەردەوام دەبێت لە ناوچە شاخاوییەکان و ئەگەرى دروستبوونى شەختە هەیە لە هەندێک لە ناوچە شاخاوییەکان و ڕۆژهەڵاتى هەرێم لەگەڵ دروستبوونى تەمێکى سوک لە ناوچەى جیا جیا.
ئەمەی خوارەوەش بارانى 12 کاتژمێری ڕابردووى هەندێک لە ناوچەکانە
هەولێر 8.2 ملم
شەمامک 8.0 ملم
خەبات 10.4 ملم
پیرمام 5.2 ملم
سلێمانى 41.1 ملم
چەمچەماڵ 15.5 ملم
دهۆک 12.6 ملم
زاخۆ 8.7 ملم
ئاکرێ 17.8 ملم
ئامێدى 10.2 ملم
بامەرنێ 11.2 ملم
مانگیش 10.8 ملم
بارزان 7.8 ملم
بازیان 42.4 ملم
دەربەندیخان 22.2 ملم
حاجى ئۆمەران 3.6 ملم
هەڵەبجە 12.8 ملم
هەڵشۆ 17.6 ملم
کەلار 29.6 ملم
کەرکووک 7.6 ملم
دووز 10.4 ملم
خانەقین 25.4 ملم