مووچەی مامۆستایانی گرێبەست دابەشدەکرێت

وەزارەتی دارایی وادەی دابەشکردنی مووچەی مامۆستایانی گرێبەست ئاشکرا دەکات و دەڵێت”لەسەرتاسەری هەرێم دابەشدەکرێت”.

وەزارەتی دارایی و ئابوری هەرێم، ئەمڕۆ پێنج شەممە 6ـی شوبات بڵاویکردەوە، ڕۆژی سێ شەممە  11ـی شوباتی 2025 مووچەی مانگی کانونی دووەمی ساڵی 2025ـی مامۆستایانی گرێبەستی وەزارەتی پەروەردە دابەشدەکرێت.

ئاماژەی بەوەشداوە، مووچەی مامۆستایانی گرێبەست لەسەرتاسەری هەرێمی کوردستان دابەش دەکرێت، کە تەمویلەکەیان لەسەر داهاتی ناوخۆی هەرێمی کوردستان خەرج دەکرێت.

ئەمە لەکاتێکدایە پێشتر مامۆستایانی گرێبەست داوای شایستەی دارایی مانگەکانی 7 و 8ی ساڵی 2024 یان دەکر، هاوکات ماوەی دوو ڕۆژیشە لەهەرێم دەست بەدابەشکردنی مووچەی مانگی کانوونی دووەمی ساڵی 2025 کردووە، و هێشتاش چارەنووسی مووچەی مانگی 12ـی ساڵی 2024 بەنادیاری لەنێوان بەغدا و هەرێم ماوەتەوە.