دۆناڵد ترەمپ، سەرۆکی ئەمریکا بە واژووکردنی فەرمانێک، بەشداریکردنی ڕەگەزگۆڕاوەکانی لە پێشبڕکێکانی وەرزشی ژناندا قەدەغە کرد.
کۆشکی سپی ڕایگەیاند، دۆناڵد ترەمپ، سەرۆکی ویلایەتە یەکگرتووەکان فەرمانێکی دیکەی لەبارەی ھاوڕەگەزخوازان واژوو کرد، بەپێی فەرمانەکە، بەشداریکردنی ڕەگەزگۆڕاوەکانی لە پێشبڕکێکانی وەرزشی ژناندا، قەدەغە کراوە.
دۆناڵد ترەمپ لە میانی واژووکردنی فەرمانەکە ڕایگەیاند: “لە ئەمریکا، تەنھا ڕەگەزەکانی نێر و مێ ھەن و لە سیاسەتی ئەمریکادا، گۆڕینی ڕەگەزی نییە”.
پێشتریش دۆناڵد ترەمپ بە واژووکردنی فەرمانێک، خزمەتی ڕەگەزگۆڕاوەکانی لە ناو سوپای ئەمریکا، قەدەغە کردبوو.
هەروەها بڕیاریشی دا ئەو زیندانییانەی کە ڕەگەزی خۆیان گۆڕیوە بۆ ژن، بگوازرێنەوە بۆ گرتووخانەکانی پیاوان بۆ تەواوکردنی ماوەی سزادانەکانیان.
