سوپای تورکیا، بە چڕی بۆردومانی دەووروبەری گوندی گەڵاڵەی سەر بە قەزای ماوەت کرد.
کامەران عوسمان، نوێنەری ڕێکخراوی سی پی تی ئەمریکی ڕایگەیاند، لە کاتژمێر ١٠:٤٧ خولەکی پێشنیوەڕۆی ئەمڕۆ، فڕۆکە جەنگییەکانی سوپای تورکیا بە چڕی بۆردومانی دۆڵی ژاژۆلان، کوێرەکانی و کێوی کوڕیسیان لە دەوروبەری گوندی گەڵاڵەی سەر بە قەزای ماوەت کرد.
ئەوەشی خستەڕوو کە بەهۆی بەفربارین و سەختی ڕێگاکە، تاوەکو ئێستا گوندنشینان نەیانتوانیوە بچنە شوێنی ڕووداوەکە و دڵنیاببنەوە لە سەلامەتی گیانی دانیشتووانی ناوچەکە.
