وەزیری ئەوقاف سەرجەم بەڕێوەبەرایەتییەکان ئاگاداردەکاتەوە کە پێشنوێژیکردن و بانگبێژیی کەسانی بیانی لە ناو مزگەوتەکاندا قەدەغەیە.
بە پێی نووسراوێک لە واژۆی پشتیوان سادق، وەزیری ئەوقاف و کاروباری ئایینی لەسەرە، بە هیچ شێوەیەک نابێت کەسانی بیانی لە نێو دەزگاکانی وەزارەت و مزگەوت و شوێنە ئایینییەکاندا پێشنوێژی و وتاربێژی و قورئانخوێنی و بانگبێژیی یاخود هەر چالاکییەکی تری ئایینی ئەنجام بدەن.
لە نووسراوەکەدا کە ئاڕاستەی سەرجەم بەڕێوەبەرایەتییە گشتییەکان و بەڕێوەبەرایەتییەکانی ئەوقاف کراوە، ئەوەخراوەتەڕوو کە مەبەستی بڕیارەکە “ڕێکخستنەوەی کاروباری مزگەوتەکان و شوێنە ئایینییەکانە”.
بەڕێوەبەرایەتییەکانی ئەوقافیش ڕاسپێردراون لە سنووری خۆیاندا بەدواداچوون بۆ بڕیارەکە بکەن.
