میدیای ئەمریکا بڵاویکردەوە کە پێنتاگۆن بەنیازە هێزەکانی لە سووریا بکشێنێتەوە و نوێنەری مەسەدەش لە واشنتۆن دەڵێت، چاوەڕوانی بڕیاری دۆناڵد ترەمپن.
سینەم محەمەد، نوێنەری ئەنجوومەنی دیموکراسی سووریا لە واشنتۆن ڕایگەیاند، “لە هەندێک دەزگای ڕاگەیاندن بیستومانە کە هەندێک کەسی نزیک لە سەرۆکی ئەمریکا دەیانەوێت هێزەکانیان لە سووریا بکشێنەوە، بەڵام تا ئێستا ترەمپ بڕیاری کۆتایی نەداوە”.
وتیشی: “پێشبینی دەکەم لە ڕۆژانی داهاتوودا سەرۆکی ئەمریکا بڕیاری خۆی سەبارەت بە سووریا بدات، ئەمەش بابەتێکی زۆر گرنگە بۆ ئێمە”.
سینەم محەمەد ڕاشیگەیاند، چەند پەیامێکیان بۆ لایەنە پەیوەندیدارەکانی ئەمریکا ناردووە، بۆ ئەوەی هێزەکانی ئەمریکا بمێننەوە تا چارەسەرێکی سیاسی هەمەلایەنە لە سووریا دێتە ئارا.
پێشتریش هێزەكانی سوریای دیموكرات “هەسەدە” ڕایگەیاندبوو، ئاگاداری هیچ پلانێك نیین بۆ كشانەوەی هێزەكانی ئەمریكا.
ئەمەش دوای ئەوە هات کە كەناڵی “ئێن بی سی”ی ئەمریكی بڵاویكردەوە، پنتاگۆن پلانی هەیە هێزەكانی لە سووریا بكشێنێتەوە. مەترسیش هەیە بە كشانەوەی ئەمریكا دەستی توركیا بۆ پەلاماردانی كورد واڵا بکات و هێرشەكانی بۆ سەر ڕۆژئاوا چڕ بكاتەوە.
