دوای تۆمارکردنی ئاستی نوێی مێژوویی، نرخی زێڕ تا ڕادەیەکی کەم دابەزی.
ئەمڕۆ پێنجشەممە، نرخی ئۆنسەیەک زێڕ بۆ دوو هەزار و 856 دۆلار دابەزی، ئەویش دوای ئەوەی دوێنێ گەیشتە دوو هەزار و 882 دۆلار کە بەرزترین ئاست بوو لە مێژوودا.
هۆکاری هەڵکشانی نرخی زێڕ بۆ پەرەسەندنی جەنگی ئابووری نێوان ئەمریکا و چین دەگەڕێتەوە ئەویش دوای ئەوەی هەردوو وڵات ڕێژەی باجی گومرگییان لەسەر هاوردەکردنی کاڵاکانی یەکتر بەرزکردەوە.
نرخی زێڕ لە بازاڕەکانی هەرێمی کوردستانیشدا بەم شێوەیەیە:
نرخی مسقاڵێک زێڕی عەیارە 18 بە 518 هەزار دینار
نرخی مسقاڵێک زێڕی عەیارە 21 بە 604 هەزار دینار
نرخی مسقاڵێک زێڕی عەیارە 24 بە 690 هەزار دینار
