کەشناسی: پلەی گەرما بە شێوەیەکی بەرچاو دادەبەزێت و بەفر دەبارێت

کەشناسی هەرێمی کورستان ڕایگەیاند، پلەی گەرما بە شێوەیەکەی بەرچاو دادەبەزێت و ئەمڕۆ و سبەینێش بەفر دەبارێت.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ پێنجشەممە، کەش هەوری باراناوی دەبێت بە درێژایی کاتەکاندا لەگەڵ بەفربارین لەناوچە شاخاوییەکان کە زیاتر ناوچە سنووریەکان دەگرێتەوە.

ئەوەشی خستەڕوو کە پلەی گەرما 5-8 پلە نزم دەبێتەوە.

سەبارەت بە سبەینێ هەینیش، کەشناسی ڕایگەیاند، ئاسمان هەوری تەواو دەبێت لەگەڵ نمە بارانی پچر پچر لە ناوچە جیاجیاکانی هەرێم و بەفربارین لەناوچە شاخاووییەکاندا.

ڕوونیشیکردەوە کە لە درەنگانی شەو بەفربارینی پجڕپچڕ ناوچەکانی ناوەڕاستی هەرێمی کورستان دەگرێتەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر     : 13 پلەى سیلیزى

سلێمانی  :   10 پلەى سیلیزى

دهۆک     : 14 پلەى سیلیزى

کەرکووک  : 16 پلەى سیلیزى

زاخۆ      :  12 پلەى سیلیزى

هەڵەبجە : 14  پلەى سیلیزى

حاجی ئۆمەران: 1-  پلەى سیلیزى

سۆران: 7 پلەى سیلیزى

گەرمیان  : 18 پلەى سیلیزى